平面國讀後感

當時讀完呢本書，感想係作者埃德溫好神，可以用文字表達平面幾何之餘仲可以同時抽述各種社會縮影。不過當我稍為詢GOOGLE大神，先發現原來書成1884年，即係大把人寫過讀後感，我只係係到浪費網路空間。不過我都係會寫晒佢，有始有終。

書本內容可以分為兩半，一半係描述平面國所有各種各樣嘅情況，由自然環境到社會規則，甚至該國歷史都一一說明。另一半係書中主角--正方形先生所體驗嘅各種歷險。點、線、面、立體等各種世界。兩者結合下，引導出「向上，而非向北」嘅各種意義。

「向上，而非向北」。本身就有兩種意義，第一種係維度、幾何上，說明立體就有由無限多個面構成。本書當有好多幾何學觀念，成為書嘅大綱。而平面國嘅種種事情，以及正方形先生最後嘅下場，即諷刺當時英國，同時寫出人應該擺脫既定觀念，去了解世界正真樣貌。

講完上維基都可以睇到嘅野，我自己覺得，呢本書最重要係睇作者點樣「課制整合」，點樣「通識」。講幾何，埃德溫大部份只係用文字同插圖，就講出左各維度係點樣。用小說嘅方式去講解，而且唔會又長又寢，講嘅內容包羅萬有。可能「向上，而非向北」呢一種精神先係「通識」應有面目。

不過呀............竟然有電影，真係嚇死我。

有LINK，自己睇: http://www.bilibili.com/video/av493235/